新聞辭典~~~~~火環~~~~~遊子 20091002
佇這2工內，南太平洋的薩摩亞群島佮印尼總共發生3次大地動，
分別達到：80. / 7.6 / 6.8級，亦出現滾攪龍(華語叫做海嘯)
，造成真正大的傷亡佮損害‧專家講這款太平洋的大地動，因為攏
是屬於火環的範圍‧
什麼叫做火環？
一般所講的火環就是指環太平洋的外環地動區域，大部份是火山活
動佮地下層板塊活動的所在；東爿包括北美洲佮南美洲的西岸，北
爿包括阿拉斯加南岸佮阿留申群島到堪查加半島，西爿包括日本琉
球台灣到菲律賓群島、印尼群島，續落到南太平洋的群島佮紐西蘭
等等‧環太平洋的外環地動區域，共仔達到4萬外公里，是地殼非
常無穩定的所在，地動佮火山活動會使講每工隴有啦！只是大細程
度無共爾爾，有時大地動嘛會引起火山爆發的可能，因為佇共一個
地殼結構，互相有牽連的關係‧
全站熱搜
留言列表
