jimmycmlin的部落格

新聞辭典~~~~~自由貿易協定FTA~~~~~遊子 2010.12.05.
媒體報導：美國佮韓國双方讓步，近日欲簽FTA，可能對日本佮台灣的衝擊較大----！什麼是FTA呢？
FTA的全名是：Free Trade Agreement‧華文是自由貿易協定‧伊是2個國家間亦是2個以上的國家間，互相所簽定有法律約束力的契約，目的是會使促進互相的經濟一體化，無分你佮我，消除互相間的貿易關卡，親像：關稅、貿易佩額、優先順序等等，允准貨品佮服務會使佇互相的國內間自由流動‧這的協定國家會組成自由貿易區，來自協定國家的貨物，會當得到進口稅佮關稅減免的優待，無奈是進口國亦是出口國，自由貿易協定對簡化海關手續攏有幫助；如果協定國中間發生無公平的貿易慣例時，自由貿易協定亦會使來協助互相的貿易商進行補救‧
咱台灣政府將咱台灣的經濟鎖入中國，佮中國簽下ECFA了後，響欲佮其他國家簽FTA，可能需要看中國的面色，所以，咱台灣佮其他國家簽FTA的進度，猶原佇原地踏步爾爾，一屑仔進展嘛無，咱台灣的國際地位，不但無提升，顛倒倒退，親像佇東京影展、亞運等等，是上明顯的例，講起實在悲哀啦！