jimmycmlin的部落格

新聞辭典~~~~~無緣社會~~~~~遊子 2011.02.07.
媒體報導：無緣社會，佇日本孤獨財好趁-----。什麼是”無緣社會”？
”無緣社會”是舊年佇日本票選出來的10大時行話語之一，算是新名詞，亦是表現出現此時佇日本獨居者愈來愈濟的社會現象‧人際關係的親蜜疏離，毋哪存在佇社群中間，亦存在佇個人佮家庭中間，佇日本的統計，亦無地緣關係，亦無血緣關係的無緣社會內，1年內死亡的孤獨者達到3萬人以上，
這佮車禍意外、發病共款，變成1種新的往生類型，佇日本叫做”無緣死”；真濟新興行業綴著無緣社會的惡化，業績愈來愈旺，親像：專門為孤獨死亡者整理遺物的遺物善後業，亦有每10分鐘收費1000日圓[差不多是新台幣360箍]，專門恬恬仔聽孤獨者訴苦訴怨的付錢電話專線等等，其他猶有真濟相關行業啦！
獨居者的種類嘛愈來愈濟，嘛毋是攏老大人喔！除了一般傳統無序細倚靠的老大人以外，亦有：失婚者、不婚者、宅男、宅女等等‧其實咱台灣亦是綴著日本的腳步行，只是咱政府的居家關懷照護政策，送飯包、幫忙洗身軀、整理茨內環境、檢查用藥安全問題等等‧攏是以老大人為對象，相信付錢的服務，亦會綴著日本的新興行業漸漸來出現，生理嘛一定愈來愈好喔！