jimmycmlin的部落格

咱的台灣~~~~~台灣之最-1~~~~~(周幸叡報導)~遊子
咱﹝ㄔ奇﹞佇台灣這塊土地，對伊有﹝言別﹞若濟？甘﹝言別﹞離開平面，由
別的角度來欣賞伊？~台灣之最~就是﹝會卜﹞互咱了解"台灣上---"的特點‧
互咱對伊有搁卡深的印象，增加淡薄仔記憶佮感情‧
(1).台灣本島上懸的點:玉山‧
玉山位佇南投縣信義鄉；海拔懸度：大概3952公尺(m.)日本人叫伊做新高山‧
規的玉山群包括玉山主峰、前峰、北峰、東峰、小南山、南玉山等等，總共
11連峰‧會當順續遊覽的景點：新中橫公路的懸山峽谷景觀和日月潭、溪頭、
阿里山、塔塔加風景區等等連起來‧
(2).台灣本島上北的點:富貴角‧
富貴角位佇台北縣石門鄉；屬火山熔岩地質，是大屯火山系的上北點；地標是
富貴角燈塔，是日本人佇台灣起的第一座燈塔，塔懸雖然只有14.3公尺，不過
依是東海和台灣海峽等海域來往船隻的海上光明燈，真好認；會當順續遊覽的
景點：富基魚港食海鮮，十八王公廟和北海岸的嫷景色‧
(3).台灣本島上南的點:鵝鑾鼻‧
鵝鑾鼻位佇屏東縣恆春鎮；是凸出佇巴士海峽的一條大條的珊瑚礁岩，看到像
鵝仔鼻抑是像排灣族語"鵝鑾"(船帆的意思)，﹝立店﹞佇面頭前‧無真懸的山勢
互東北季風來到這變成落山風；是台灣地區上接近赤道的所在，規年日頭赤炎炎
，日頭照的時間搁真長；滿地攏是耐風耐鹽耐熱的植物﹝ㄔ奇﹞佇這；地標是
鵝鑾鼻燈塔；會當順續遊覽的景點：墾丁國家公園健行、戲水、恆春古城、抑
有關山落日、龍鑾潭賞鳥仔、遊後壁湖‧
(4).台灣本島上東的點:三貂角‧
三貂角位佇台北縣貢寮鄉；三貂角的發音就是西班牙的Sandiego,一般即馬翻
譯做聖地牙哥，不過，三貂角卡有原來的鄉土味；是真硬的沉積岩，附近只有
兩個村落:卯澳和馬崗；地標是三貂角燈塔，伊的光度是全台灣排名第二喔！
卡內面的草嶺古道由福隆翻山過嶺到大里，這段路古早是連接著淡水廳和葛
瑪蘭廳的淡藍古道真重要的一段；會當順續遊覽的景點：草嶺古道健行，看日
出，附近的海岸邊嘛適合賞鳥仔、戲水、潛水、海釣‧