jimmycmlin的部落格

台語文~~~~~台灣囡仔歌的創作前輩施福珍先生~~~~~遊子
這禮拜連續5工的台語文研習會，好酒沉甕底，有影喔！上續尾半工的課，請來
台灣囡仔歌的創作前輩施福珍先生來講課，福氣啦！
施福珍先生是70捅歲，上起頭就先和音調，Do,Re,Mi,Fa,So,La,Si,Do.丹田真正有力，
下晡1點的課，逐家攏拄食飽，稍可仔想會瞇去，聽到施先生開喙沉厚的聲，攏將目
睭剝開甲大大蕊，施先生的丹田，正經講，在場的無人綴會到‧
施先生佇1964年就作“打馬膠”，一直流行到即馬；1993年作“大鼻孔”，毋過到
今年才佇網路頂大流行，就是“碰恰恰的大鼻孔”，聽講即馬佇手機仔的來電鈴仔聲
排名上頭前，第一名喔！另外，1997年作的一首“踅踅念”，佇來電鈴仔聲嘛真受歡迎
喔！“踅踅念”的歌詞：踅踅念搁踅踅念，念孫飯粒烏白粘‧念新婦煮飯傷鹹，
念囝賺錢﹝勿會﹞曉儉‧念翁安怎赫尼恬，念歸工嘛攏﹝勿會﹞悿‧
有押韻嘛真有意思真趣味‧
施先生的作品有影濟，用音樂互大人囡仔聽3-4擺就會曉唱，尤其小學生佇唱歌中來
學台語是緊佮趣味喔！和讀冊有關係的，和日常生活有關係的，和節日有關係的等等，
抑是大人將意思說明，學生囡仔了解意思，學著搁卡有意義‧
有一首寫現代的貓咪嘛真趣味佮合意：烏貓白喙齒，﹝勿會﹞愛掠鳥鼠‧覕佇房間底
，食餅配咖啡‧即馬的貓咪實在是有影好命啦！
逐家抑是對台灣囡仔歌有趣味，會當去參考著‧施先生的作品台灣區總代理：
和和樂器有限公司‧電話：04-8322133‧