jimmycmlin的部落格

咱的台灣~~~~~大身翁~~~~~遊子
佇咱台灣的廟寺鬧熱時，定定會當看到大身翁，綴著鬧熱的神明陣頭，
遊踅街仔頭巷仔尾‧這是咱台灣的傳統宗教民俗的特色之一‧
標準的大身翁造型，懸度是一般大人的2倍懸，歸身軀的重量將近60公
斤，造型其實嘛真濟款，主要是民間傳統宗教信仰神明的下跤手亦是綴
著神明邊仔的人物，依據椑官野史所記載，親像有：千里眼、順風耳、
七爺、八爺、土地公、土地婆、三太子、濟公、笑面佛佮天兵神將等等
，相貌、神韻攏完全無共；白面文相要有清潔真幼的面眉線條，素雅的
頭毛絲、穿著佮法飾‧烏面亦是紅面武相要有莊嚴的法相，予人看到會
敬畏‧每1尊的造型、相貌、神韻攏一定是無共款‧
大身翁遊踅街頭時，無分大人囡仔攏真愛看，佇2004年手護台灣的全民
活動時，佇龜山半嶺附近，歸排的大身翁嘛參加來手護台灣喔！佇桃園
縣大溪鎮每年嘛有舉辦大身翁節的民俗活動‧親像即種真有特色又有意
義的傳統民俗，應該好好仔保存佮繼續傳落去‧