台語七字仔詩：貓空流籠(niau-khang liu5-long5) / 遊子
木柵貓空好所在，山跤出名是政大；
指南宮佇半山祀，香火茶芳好發財‧
群山懸頂牽流籠，通siann5遊客來觀光；
動物園站中間擋，隨意出入方便通‧
續來行到指南宮，陣陣香客免掠狂；
世界上懸一零一，遠遠飛入眼底望‧
自古出名鐵觀音，甘潤落喉親像蔘；
清鮮空氣無底尋，茶芳琴聲歌詩吟‧
流籠線路長長長，群山樹叢青青青；
天頂浮雲白白白，查埔查某濟濟濟‧
貓空流籠有影讚啦！
補註：
(1)."流籠"就是華語的纜車與英語的Cablecar‧
(2)."通siann5"是可以吸引之意‧
全站熱搜
留言列表
