close
臺語文：天地眼 2022.08.30.
高山頂天然的岩壁面，經過久年歲月風雨的衝蝕佮風化，沓沓仔崩落去，自然雕刻出兩個大目眶佮鼻樑，看起來親像兩蕊金爍爍的鷹仔目佮鼻子，來到遮的人共伊號做「天地眼」。
傳説講：
天眼鑑人心.
地眼照萬物.
亦聽講：
心誠善良的忠直老實者，peh 山行到遮，看著天地眼，心內會當感受著淡定、清爽、喜樂、和諧，親像佇過去生活中所做的代誌，受著鼓勵佮安慰。
毋過，抑是心思無正、奸巧心惡、為非作歹者，來到遮看著天地眼，心內是真驚惶不安、心神不寧、有人又閣會起雞母皮！心內會感覺著過去的所做所為，可能會得到責備佮處罰。
所以，咱在世間上的為人處事，
莫因善小而不為，
莫因惡小而為之。
全站熱搜
留言列表
