close
臺語文：萬步 2022.08.31.
咱攏知影運動真要緊
對咱的心身健康有幫贊
運動種類是百百種
上簡單方便是行路
每工設定萬步為目標
只要每工沓沓仔行
日積月深
精氣神佮體力
絕對感受著
無論熱天抑寒天時
只要天色拄仔光
出門較涼爽
行過清靜的大街小巷
欣賞著厝前的花草
綴著四季繽紛色彩變化
行過公園草仔埔
大樹跤
草埔地
一陣一陣真鬧熱
跳舞、練功、做體操、靜坐
透早來運動的人亦是真濟
只是普遍看著
查某比查埔加非常濟
莫怪長歲壽的
亦是查某較濟啊
行過溪墘
看水流
聽水聲
有時欣賞著嫷嫷的倒影
有時會看到
企佇水底的夜鷺、白鴒鷥
目睭金金揣食
較深的水窟
魚群積規堆
郊山深山的樹林內
登山步道
踅來轉去
有時peh 起
有時行落
密密樹蔭下
芬多精滿滿是
蟬聲合鳴攏無歇
鳥仔聲嗤舞嗤呲
唱無停
四周環境雖涼爽
額頭汗水㴙㴙滴
排汗衫亦澹漉漉
毋過
心情是淡定輕鬆
一屑仔亦袂悿
活動
活動
欲活著愛動
每工萬步
疏通筋絡
心身靈健
較贏食補
全站熱搜
留言列表
