close
台語散文：搧海風
看著遠遠遠海連天的烏水溝，想著400年前的蕃薯仔，唐山過台灣，十去九無回。
遠處亦有一座一座的風機，全世界綠色能源當時行，咱也綴著重視環保愛地球。
海水退，沙埔浮現一孔一孔有夠濟算袂了，這攏是沙蟹的茨宅，會當看著大大小小的沙蟹，出出入入真無閒，細膩斟酌保安全，因為無偌遠就有白鴒鷥、渡鳥等等的目睭金金相，揣看有好食的點心否？
亦有柴板船孤單停佇沙埔頂，水退稍歇，水漲才出海掠魚，無論大風湧赤日曝，總是拍拚做穡，為家庭生活過日子。
兩人坐佇海墘，陣陣海風吹來，雖有淡薄仔涼冷，毋過，心內是親像火籠的溫暖，心情亦是輕鬆快樂！踮遮放空放下！雖然，遊客行來行去，亦袂攪擾到阮的好氣氛。
難得佇歇睏時，來欣賞著恬靜嫷嫷的景緻，兩人相倚，搧著海風攏毋驚。
全站熱搜
留言列表
