jimmycmlin的部落格

莊子講(7)~~~~~大自然的簫聲~~~~~遊子
有1工，南郭子綦斜斜靠佇矮桌仔邊，頭殼向天，目睭瞇瞇，親像入去無人的所在，
達到毋知家己佇兜位的境界‧伊的學生看到按呢就問講：先生啊！你今仔日看起來
和平常無什麼共款，甘講人的形體會當變作枯木，心靈會當化作死灰？
伊就應講：子遊啊！你問著真好，拄仔我是入到﹝勿會﹞記得家己的境界去啦‧你
甘知？你有聽過人歕的簫聲，甘有聽過大地的簫聲？就算你有聽過大地的簫聲，甘
搁有聽過天的簫聲啊？人歕的簫聲抑毋是雲簫就是排簫爾爾；抑是大地的簫聲，就
是風的聲，大地吐出來的氣叫做風，風一徙走轉動，所有的空穴就會發出聲音，大
細聲叫；你會記得大風來的時陣？山頂大叢樹仔的空縫，有的像鼻仔、有的像喙空
、有的像耳仔、有的像圈圈仔、有的像舂臼、有的像深池、有的像淺坑仔‧所有
ziah的空穴攏同齊發出聲音的時，有的像激流、有的像射箭、有的像大聲罵、大聲
喝、有的像喘氣、有粗的、嘛有幼的、有深遠的、嘛有急切的‧所有的空穴攏親像
佇合唱共款，大風過了後，所有的空穴就攏恬靜恬靜落落來，干哪賰細支配樹枝仔
佇hain轉動爾爾，這就是大地的簫聲，嘛就是大自然的簫聲啦！
所以講：聲音本身是無喜怒哀樂的，抑是用人的立場去聽簫聲，就有喜怒哀樂無共
的感覺，抑是用自然的立場去聽簫聲，便無喜怒哀樂的感覺啦！按呢，咱就知影，
有喜怒哀樂的無共感覺，完全是人為的分別啦！絕對毋是大自然的本意‧