用藥保健~~~~~致病大樓症後群,SBS~~~~~遊子
現代的智慧型辦公大樓攏是關甲密密密，窗仔門因為空氣調節的關係，攏未通拍開，
造成通風不良，室內空氣愈來愈害，互辦公室的人出現真濟無爽快的症頭，這就是一
般所講的：致病大樓症後群(Sick Building Syndromes;SBS.)啦！
照內政部建築研究所的調查，佇咱國內的上班族群，有超過8成2的人，踮辦公室出現
過：頭痛、過敏反應、卡緊悿等的症頭；佇世界衛生組織估計，大約有3成的建築大
樓有SBS的問題，其中有1-3成的員工，出現過SBS的症頭‧
致病大樓症後群,SBS的症頭主要有：嚨喉焦燥、目睭和鼻子過敏、頭痛、頭暈、想欲
dok龜、卡緊悿、皮膚焦燥、會癢等等‧攏會影響到工作的表現，一般是佇上班時間才
會發生出現，一離開辦公室以後，症頭就消失抑是減輕真濟‧
會引起致病大樓症後群,SBS的原因，有可能是“多重致病原”造成，包括：大樓的通
風、溫度、濕度、照明的設計等等；嘛有可能來自空調系統所產生的微生物、裝潢材
料、逐種事務機器，像：影印機、印表機等；有機溶劑的釋出，像：甲醛、臭氧、二
氧化碳等等‧攏是對身體健康有害的‧卡嚴重的會致癌症喔！
所以，即馬政府環保署訂出“一般場所室內空氣品質參考標準建議值”草案，不過，
標準干哪適用佇：餐廳、賣場、展覽館場、電影院、學校等等爾爾，猶無適用佇：勞
工作業場所、病院和倉儲庫房等所在‧
全站熱搜
留言列表
