close
莊子講(6)~~~~~越人紋身~~~~~遊子
有1個宋國的做生理人，攢著真濟媠花式、媠花樣的帽子和衫仔褲，
準備去南爿的越國販賣，想講會當大大賺一筆仔錢‧
來到越國，佇市仔大聲喝賣，因為無人來買，價數嘛愈喝愈俗，結
果，過了幾仔工，嘛是賣出去無幾領爾爾，無賺到錢，顛倒是倒了
錢，想規晡就是想﹝勿會﹞曉‧
原來，越國人的傳統風俗是：頭毛剪互短短，查埔的攏是赤腹裼，
無興穿衫仔佮無興戴帽子，而且，佇全身刺花紋彩飾，南爿的天氣
搁是燒熱時陣卡長，根本就無需要媠帽子和衫仔褲‧宋國的做生理
人無先探聽清楚，莫怪會了錢，了甲走﹝勿會﹞離啊！
所以，有用和無用，有功和無功，有利和無利等等，攏是相對，毋
是絕對的啦！咱人佇處理任何代誌時，毋通傷過固執，﹝勿會﹞曉
變巧，毋好像he個宋國的做生理人，抑無，就一定愛了錢、食苦囉！
全站熱搜
留言列表
