close
莊子講(12)~~~~~長梧子的大夢~~~~~遊子
有一工，長梧子對瞿鵲講：做眠夢的人，定定是毋知影家己佇做眠夢，
佇夢中嘛占卜，看是吉利抑是無吉利‧等待到醒了後，才知影家己拄遮
是佇做眠夢‧所以，有大覺悟的人，才知影生是一場大夢，不過，佇日
常生活中，一寡仔戇人攏想講in是大覺悟的人‧我佮你嘛攏佇做眠夢，
我講你佇做眠夢，嘛是眠夢的話喔！
所以講，有大疑惑的人，才有可能出現大覺悟，顛倒是戇人，定定想講
是已經大覺悟囉！到尾仔，戇人猶原是戇人啦！
全站熱搜
留言列表
