莊子講(15)~~~~~朝三暮四~~~~~遊子 有1個飼猴山仔的人，逐工攏提橡子去飼猴山仔‧
有1工，伊對猴山仔講：由今仔日起，早起時予恁食3升，暗時食4升‧好毋好？
歸陣猴山仔聽了後，攏暴暴跳，吱吱叫，無愛接受‧
伊看到按呢，就改開喙講：好啦！好啦！抑無，改做早起時予恁食4升，暗時食3升‧
按呢好毋好？
歸陣猴山仔聽了後，逐個拍噗仔，笑亥亥，歡喜甲跳懸跳低‧
其實，朝三暮四和朝四暮三，佇本質上並無增加抑是減少，只是前後的順序無共爾爾，
不過，歸陣猴山仔的喜怒就受到支配，心情就受到影響‧所以，咱人是毋是佇日常生
活中，嘛定定親像猴山仔共款，出現即種錯誤的行為？咱逐個愛好好想看著‧
全站熱搜
留言列表
