jimmycmlin的部落格

台語文~~~~~跨年~~~~~遊子
咱台灣是1個海洋性國家，對外來文化的包容性真大，真濟民俗藝術活動，
嘛真緊就綴著世界的時行來舉辦，以聖誕節和跨年活動來講，已經是1年比
1年復卡鬧熱、復卡精彩；尤其跨年活動嘛透過電視轉播，予全世界攏看會
到，因為咱的台北101摩天大樓是世界上懸的建築物，在這幾年來猶原排上
頭名的‧由台北101放射出來的煙火，有夠精彩、有夠嫷啦！舊年提到廣告
權的日本sony公司，雖然開真大的廣告費，猶原感覺非常有價值，所以，
今年共款大出手增加金額，繼續搶到廣告權‧昨暗台北東區有百萬外人去
湊鬧熱，雖然，滿叨位攏是人kheh人，車塞車，逐家嘛攏歡歡喜喜來參與
，分享快樂的氣氛‧


台灣逐縣市嘛攏有舉辦跨年晚會，高雄市、台中市、桃園縣、高雄縣、台
南市、台南縣、台東花蓮等等，攏有啦！歸個台灣親像不夜城，因為跨年
節目結束，過無外久就欲迎接新的1年的日頭出囉！

其實，過年簡單，過日卡要緊，過年共款是1工24點鐘；跨年的歡喜嘛是
一目(目聶)的時間爾爾，其他的日子，每工24點鐘，要按怎好好仔過復
卡要緊‧
在遮嘛祝福所有的朋友~~~新年平安快樂順序~~~!!