close
莊子講(33)~~~看羊仔人的羊仔拍毋見~~~遊子
臧和穀2人同齊佇野外隨人看1陣羊仔，結果過無若久，2陣羊仔攏走無去啦！
臧講：唉呀！我佇草埔仔頂看冊，看甲戇神去，一舉頭才發現歸陣羊仔走甲
看無影‧
穀嘛講：我佇草埔仔和人博儌，無意中才予羊仔走無去啦！
臧和穀2人所做的事誌雖然無共款，但是造成的結果是相共的‧
佇世俗間，有讀冊人為著”名”拍無生命，嘛有小人為著”利”無生命‧
將軍、大夫為了保護”國家”來拍無生命，聖人、賢士為了保護”天下”來
拍無生命‧雖然，起頭亦是中途的原因無共款，但是，拍無生命的結果是相
共的‧
所以講：毋管借用什麼理由，為了”名”，為了”利”，抑是違背著自然的
法理，傷害著生命，攏算是大迷惑啦！
全站熱搜
留言列表
