close
莊子講(32)~~~鴨仔跤甘傷短~~~遊子
天生自然的長，就無算是傷長；天生自然的短，就無算是傷短‧
咱看鴨仔的跤，雖然是短，嘛﹝勿會﹞當去將伊接予長，接予長伊顛倒艱苦‧
咱看鶴的跤，雖然是長，嘛﹝勿會﹞當去將伊切予短，切予短伊就悲哀啦！
因為鴨仔的跤短頷仔管長，日常生活過日子真方便‧
鶴的跤長頷仔管長，佇日常生活中嘛無感覺無方便‧
所以講：毋通用人為的標準去看長短，愛看伊天生自然的長短，長有長的用途，
短有短的優點，並毋是一定愛按怎才好‧只要咱去發揮出自然的特點，什麼就
攏毋驚啦！
全站熱搜
留言列表
