台語七字仔詩~~~~~過年~~~~~遊子
大寒節氣過了，家家戶戶攏佇大拼掃，學生囡仔嘛歇寒囉！
囡仔歡喜欲過年，大人著愛無閒到二九暝‧
佇遮先祝賀逐個朋友~~新年快樂！順序如意！
~~~~~~~~~~~~~~~~~~
臘日一張一張﹝扌麗﹞，茨內茨外掃清氣‧
大人囡仔攏歡喜，準備快樂來過年。
甜粿發粿菜頭粿，年頭拍拼到年尾‧
平時勞力好收成，年到攢物團圓過。
糖仔餅類滿山堆，好食菜色排歸隊‧
椪柑蜜棗甜又嫷，欲食什物隨人推。
初一見面喝恭喜，親友做伙新正時‧
初五隔開著收心，重新起步望新年。
註：﹝扌麗﹞li是華語撕掉的意思‧
攢物cuan mih是華語準備東西‧
嫷sui是華語漂亮、美麗‧推tui是華語選擇、進食‧
喝huah是華語喊‧
全站熱搜
留言列表
