close
台語文七字仔詩~~~草仔埔~~~遊子
阮是細叢草仔庀，撐佇土底看藍天‧
公園山坪激歸片，親像地毯青青青。
日頭炎炎阮喙焦，歸工無神頭(扌音)( 扌音)‧
暗時哪有露水凍，隔工精神飽飽飽。
微風行阮頭頂過，五彩蝴蝶頂面飛‧
蜜蜂田嬰來做伙，蟲仔踮遮說天地。
北風一起呼呼過，囡仔上愛放風吹‧
大細七彩天頂飛，快樂所在親子會。
歡喜逐個來遮戲，春夏秋冬無停轉‧
毋通將阮皮肉損，咱做伙才會久長。
註讀音：庀：pi ；撐：teN；青：ciN；
焦：da；扌音：aN；戲：sng；轉：dng。
全站熱搜
留言列表
