jimmycmlin的部落格

莊子講(50)~~~海鳥無愛音樂~~~遊子
以前，有1隻真大隻的海鳥叫做爰居，舉頭懸8尺，羽毛真正燦麗，非常嫷，看起來親像是1隻大鳳
凰‧有1工，飛到魯國，歇睏在城外樹仔林內‧
有人看到就緊去向魯王報告，魯王就派人去掠，講：將伊接來太廟‧
魯王又講：為著歡迎爰居飛到魯國，愛演奏九韶樂章，愛攢上好的酒菜來飼養伊‧
後來，魯王對爰居講：這是阮國上好聽的音樂，有好聽無？
又講：遮的肉攏是為你準備的，趁鮮緊食啊！
續落來提起酒杯講：這是阮國上讚的酒，來緊lim，予乾啦！
連續過了3工，爰居攏毋食毋lim，上續尾就死去啦！
魯王真悲傷對爰居講：為怎樣你攏毋食毋lim？我為你準備的攏是一等一的啊！
所以講：任何事誌的標準毋是絕對的；人所認為上讚的酒、上好的菜、上好聽的音樂，對鳥仔來講
，完全毋是按呢！愛以鳥養鳥，絕對毋通以家己的喜樂來飼鳥仔，其實對所有的生物，包括動物和
植物，攏共款啦！咱逐家瞭解：己所不欲勿施於人，‧不過，想欲以”己之所欲施於人”，定定嘛
是行﹝勿會﹞通啦！