jimmycmlin的部落格

莊子講(58)~~~知識和大道~~~遊子
“知”去到北爿遊山玩水，有1工佇路途中遇到”無所謂”‧
“知”就請教”無所謂”講：愛有怎樣思考才會當知影大道？愛做怎樣的動作才會當安於大道？
愛用怎樣的法門才會當得到大道？
”無所謂”聽完就應講：無所謂！無所謂！無所謂！
“知”無法度得到心所求的解答，就繼續行到白水的南爿，即次遇到”狂屈”‧
“知”就復請教”狂屈”講：請教你3個問題‧愛怎樣思考才會當知影大道？愛怎樣的動作才會
當安於大道？愛怎樣的法門才會當得到大道？
”狂屈” 就應講：我知影，嘛想欲講予你瞭解，不過，我﹝勿會﹞記得想欲講的話啦！
“知”猶原無法度得到心所求的解答，上尾仔去請教黃帝‧
黃帝講：﹝勿愛﹞用心去思考，才會當瞭解大道；﹝勿愛﹞用心去做動作，才會當安於大道；
﹝勿愛﹞用心去依據法門，才會當得到大道‧
“知”聽到就應講：你我攏知影大道，”無所謂”和”狂屈”in就毋知影大道啊！
黃帝講：你錯啦！”無所謂”講的是合於大道，”狂屈”則是近於大道啊！顛倒是你和我，咱離
大道才是真正遠喔！
所以講：“知”是”言”的境界爾爾，”狂屈”是達到”言無言”的境界，”無所謂”是進一步
到”無心、用言”的境界啦！用“知”、用”言”是無法度去測量大道，無法度去徹底瞭解大道‧