jimmycmlin的部落格

新聞辭典~~~社會企業~~~遊子   2014.09.22.

媒體報導：咱臺灣頭一間社會企業”究心科技”正式登記開辦，竹科的董、總亦提供資金來相挺- - 。什麼是社會企業？

簡單講：社會企業是指一個用商業模式來解決社會問題、環保所遇到問題的組織，這個組織會當以營利公司或是非營利組織的型態存在，嘛會使有營收佮盈餘；成立的目的是希望會當提供有社會責任或是促進環境保護的產品、服務、為弱勢社群來創造食頭路的機會、採購弱勢或是邊緣族群提供的產品或是服務‧

社會企業所趁的錢主要用來投資社會企業本身，閣繼續解決佇企起社會所面臨的環境等問題；並毋是為股東出資人或是所有者去謀取上大的利益‧透過社會企業的運作，會當予公司又創造營收又閣進行公益事務，創造雙贏的局面‧

佇歐美佮南韓對社會企業攏已經立法協助發展，針對咱國內漸漸出現無共型態的社會企業，已經有企業界人士提出公益公司法草案，行政院佇進前亦確定今年2014年是社會企業元年，欲趕緊來推動社會企業計畫，準備限定社會企業盈餘需要強制保留一部份袂當分配掉，而且享受到免徵部份保留盈餘營業所得稅的優惠。