close
台語散文：疫佮義
COVID-19 疫情擴散全世界
時間拖延超過一年半
烏暗的磅空猶未看著光
疫情繼續起起落落
封村封城封國境
停學停課停班停各業
戴喙罨倢洗手
保持社交距離
覕佇茨內上安全
世紀大災難
疫苗是救星
好額國家先搶先贏
群體免疫盡靠伊
咱蕃薯仔
防疫原本排頭群
政府當機立斷定政策
封境喙罨佮酒精
全民配合素養好
日常工作生活正常過
可惜
鴨卵密密亦有縫
舊年底
部桃意外是有驚無險
火星無湠上佳在
今年清明後
諾富特事件算破口
蘆洲艋舺續落引爆
社區感染像野火
一湠再湠四界竄
公告大家注疫苗
年初觀望相退讓
三推四請驚過期
現時驚惶來搶打
食人一斤亦得還人四兩
北爿的茨邊
緊急送來救災疫苗
講著隨做到
全民感覺真搭心
毋過
另外的隔壁茨邊
不斷喝出歹聲嗽
茨內抓耙仔
食碗內看碗外
俗語講
千金買茨萬金揣茨邊
真正是規叢好好啦
好佳在
太平洋對岸的朋友
雪中送炭亦是真溫暖
疫災見真情
大家目睭撥予金
六月介菜是誰人
困境相挺又是誰
全站熱搜
留言列表
