台語文~~~~~AINU愛努民族~~~~~遊子
Ainu愛努民族是古早就蹛佇日本北爿的原住民族群，Ainu的原意就是人類的愛努語‧
在俄羅斯人佮大和民族猶未遷移入來進前，愛努民族就已經生湠佇北海道和本州的
東北地區、樺太島的南部﹝即馬叫做庫頁島﹞、千島群島等等的所在‧愛努人講：“
自古以來，佇這開闊的北海道，就是阮祖先的自由天地----.“主要以北海道為中心，
目前的人數猶有幾仔萬人‧
佇日本嘛是拄到原住民族的人數減少，傳統語言和風俗習慣等等，漸漸bhue失去的
情況，所以，日本政府嘛是用鼓勵政策，來維護愛努民族的遺產，會當繼續存在生湠
落去‧佇1965年將白老 (Shiraoi) 市內的愛努部落，遷徙去poroto湖邊，照in原本
的草仔茨(chise)型式，配合博物館、植物園、飼熊(kuma)等等，做成一個“愛努民族
博物館“(Porotokotan)‧互逐家來遊覽參觀佮認識了解愛努民族的文化，看in的過去
，安怎幫助in行入未來的時空‧其實，這嘛是咱台灣和全世界共款的保護原住民族
群的問題啊！
佇草仔茨(chise)看in跳傳統的舞、歕竹仔片做成的口琴，攏用原音來表演，無用麥克
風和放送機，現場的感覺真好搁﹝勿會﹞吵‧互逐家感受到日本北爿大自然的歌舞習
俗，氣氛真讚啦！
愛努原本的地名嘛保存真濟，像：白老/Shiraoi(日語)/Shirauoi﹝愛努語﹞,札幌/Sap
poro/Satporopet,登別/Noboribetsu/Nupurpet,室蘭/Muroran/Morueran,留壽都/
Rusutsu/Rusut,洞爺/Toya/Toya,支芴湖/Shikotsuko/shikotto.看到in的發音，短
促聲﹝束喉聲﹞嘛是有喔！和台語共款耶！字中、字尾有p,t,k/字中有pp,tt,kk等等，
攏算是喔！
咱搁來參看一寡仔愛努語的用詞，看和咱台語抑是華語差若濟？
山/nupuri,河/pet,水/wakka,湖/to,路/ru,橋/ruika,大/poro,小/pon,人類/ainu,查埔
囡/hekachi,查某囡/matkachi,阿公/ekashi,阿媽huchi,阿爸michi,阿母hapo,兄/yupo
姊/sapo.1/shinep,2/tup,3/rep,4/inep,5/ashiknep,6/iwanpe,7/arwanpe,
8/tupesanpe,9/shinepesanpe,10/wanpe,100/ashiknehotpe.花/nonno,草mun/
kina,樹木/ni,森林nitai.家/chise,火/ape.食飯/ipe等等，互逐家參考啦！佇台灣真有名
的雜誌“儂儂”就是“Nonno”，即馬知影就是愛努語“花”的意思囉！
留言列表
