台語文~~西歐遊記(3)－jimmycmlin的部落格

(頂仔是放尿查埔囡仔雕像)
台語文~~~~~西歐遊記(3)~ 比利時~~~~~遊子
比利時、荷蘭和盧森堡這3個西歐小國，在20外年前成立聯盟公約，互相免稅、互惠免簽證，
原本是用來對抗德國、法國等大國的需用，後來西歐各國互相認知有這種需要，經過逐國隨
人全民公投，是毋是同意加入，到今在西歐除了英國無同意加入以外，總共已經有15國加入
，成立歐洲聯盟公約，發行統一的錢~~歐元，互相免稅、互惠免簽證、有工作自由、遷徙蹛
的自由等等，非常實際又合環境時代的需用；總部就是設在比利時的首都布魯塞爾(Brussel)
，歐盟主席每1年1任期，由大國和小國的人輪流擔任‧聽講卡過，東歐的國家嘛欲申請加入，
總數達到25個國家規模‧按呢，歸個歐洲聯盟國家就親像變成1個聯合共和國啦！只是對外的
政策隨人無共，對內的政策漸漸統一囉！有影是分久必合的循環變化，對外來觀光客嘛真正方
便，申請歐洲申根簽證(Schengen Visa)，只要任何1個國家簽證同意就會用哩通行所有的
歐盟國家，換1種歐元就好，毋免像古早到1國換1種錢，到尾仔用無完，參做伙有馬克、法郎
、里拉等等，分未清楚啦！抑無就手續費要了幾仔次，真麻煩啦！

(頂仔是布魯塞爾街景)
今仔日坐4點半鐘的車直接到布魯塞爾，市區真濟大型建築物攏是歐盟的辦公室，處處攏看會
到歐盟的旗子，在這創造真濟工作機會，尤其口語即時翻譯的人才真搶市喔！因為歐盟國家的
語言猶無可能統一；比利時土地是台灣的9成大，人口數是900萬人，在歷史上予法國和荷蘭
統治國，所以全國分做法國語區和荷蘭語區‧食飽晝以後，歸陣去徙黃金廣場(Golden Square)

(頂仔是黃金廣場景緻)
，觀光客真正濟，廣場四箍輪轉是古典式的建築物，有皇宮、教堂、市政府等等，附近巷子
路的商店攏是觀光客，1仙放尿囡仔的雕像是世界有名，逐個圍在頭前，攝像做紀念，幹哪1仙
放尿囡仔的雕像，就會當吸引赫尼阿濟觀光客來，創造附近商店赫尼阿濟的交關，所以講，比
利時的人真ghau做生理啊！；另外所在有海產、意大利式美食街，在巷子內有另外1仙放尿查
某囡仔的雕像，兩邊的遊客數差真濟，可能是無共商區為著扭生理才創出來的；比利時的巧克
力、葡萄酒、手工藝品嘛真出名，逐個加減又是大包細包款‧不過，出外遊覽的經驗，導遊領
隊揣去買的物件攏會卡貴，一般是4成至5成以上，這次的巧克力採購嘛是歸叢好好~無剉(無錯)
啦！因為後來有時間去徙當地的超級市場，一比較了後，買到的人知影心內是真無爽快，不過，

(頂仔是手工巧克力)
買就買啦！嘛無法度，只好﹝勿愛﹞有第2次共款經驗就好啦！因為彼嘛是導遊領隊的外路仔之
一啊！看到超級市場的葡萄酒，種類濟價數又俗，我隨手買1罐紅酒，2箍歐元猶通找，返去旅
館飲3暗，俗是俗，口味嘛是讚！想到咱國內進口的紅酒，實在貴喔！在街仔路行，不時有街頭
藝人的表演，有時攏無振動，予人認為是大理石的亦是銅的雕像，突然間喝一聲，手舉起來，
予邊仔的過路人雄雄驚一下！看著嘛是趣味、趣味啦！