jimmycmlin的部落格

台語文~~~~~拄好100篇的感想~~~~~遊子
今仔日又是風颱天，雖然風卡細，不過，雨水非常濟，看到電視的畫面報導，實在互人真驚惶‧
海棠走無若久，災害猶未復原，瑪莎隨接著來；有當時想講天公伯仔，請你做好心著‧不過，
咱家己嘛一定愛有斟酌，平常時毋通和大自然相搶，減少受大自然的反撲‧
今仔日將家己囥佇網頁頂加減寫的物件，算算著拄好99篇囉！其實這個加減寫的物件，是自
2001年考過鄉土語言教學支援人員以後才開始落手寫，想講以前學華語文、英語文、日語文等等，
攏嘛愛練習寫文章，長短攏無要緊，既然專心浸入來我的母語領域，雖然以前攏是喙講爾爾，和一
般人共款，認為台灣話干哪講無台語文字，這是百年來的錯誤認知，即馬，有機會來練習，是非常
互人歡喜的代誌，所以，有機會就會加減寫，尋字典辭典，請教先生前輩，參加研討會，漸漸就愈
來愈續手，嘛愈來愈順手喔！
有影電視看傷濟是無好，所以，佇病院陪阿母的時，無人客卡閒的時，茨內賰我一人的時，攏是我
上好落筆的時；拄開始一定愛先寫草稿，才重新好好仔寫一遍，抑是，才﹝扌卜﹞入來電腦存檔；
最近，漸漸嘛毋免﹝扌卜﹞草稿，直接﹝扌卜﹞入來電腦存檔，不過，尋字典、辭典的工課共款
﹝勿會﹞當省啦！真正是“3日無餾﹝足百﹞上樹”喔！
佇一擺研討會內，有一位教授講“一項話語抑準無法度和時代環境密切互動融入，會漸漸和人疏離
，漸漸會去互人放﹝扌速﹞去‧”這句話和我的想法非常共款，所以，對祖先留落來的智慧“諺語”
和俗語”的解說，嘛是愛和時代環境有合才對，古早認為對的，即馬無一定對喔！嘛是因為這種想
法，佇我的小園地就盡量多元化，會當將傳統和現代的知識囥做伙，一方面溫古，一方面求新，佮
配合我個人的專業，推展一寡仔醫藥保健用藥的資訊知識，一路行到這，我感覺攏無問題，只是用
字方面，政府當局會當統一，逐家用久就慣習啦！看台語文的時就卡﹝勿會﹞﹝辶系﹞食力‧