jimmycmlin的部落格

用藥保健~~~~~軟骨發育無全症~~~~~遊子
報紙寫講有1位80公分懸的細漢囝仔由幼稚園畢業，伊的阿母和先生攏歡喜甲流目屎；
想到當初時真濟間幼稚園攏無愛接受伊入學，上續尾嘛是有一間充滿愛心的幼稚園互
伊入學和別的小朋友做夥生活讀冊做夥戲，即馬畢業，別的小朋友差不多是130公分懸
，不過，逐個攏真好鬥陣，嘛攏真歡喜‧
是安怎無法度像正常赫懸？這就是醫學上講的：軟骨發育無全症‧抑是一般人所講的：
矮仔人、侏儒‧軟骨發育無全症(Achondroplasia)是上接看到的一種侏儒症‧伊發生
的原因是顯性遺傳基因“纖維芽細胞生長因子接受體”產生缺陷，引起骨頭的生長發
育不良‧因為骨頭的生長發育不良，才會造成患者的身懸非常矮，大漢了後，上懸嘛
無法度超過130公分，但是，伊的頭殼會比較卡大，而且前額頭卡凸出，嘛會互鼻樑
卡蹋落去，龍骨變成卡彎曲，腹肚嘛向前凸出，跤手的指頭仔變做粗短等等現象‧和
一般正常人無共款‧目前得到這款病症的機率差不多是3萬分之1，佇咱國內嘛已經有
成立“小小人兒聯誼會”，提供諮詢和協助互有需要的家庭，互家長和患者佮醫生間
有互相交換經驗和聯誼的機會‧