jimmycmlin的部落格

新聞辭典~~~~~冰雹~~~~~遊子
最近全世界的氣候無正常：在北半球地區攏真熱，上懸到40外度的高溫，美國和歐洲已經熱死幾仔十人囉！
南半球地區顛倒真寒，在南非是8冬來，上寒的記錄；咱台灣嘛是共款，今年溫度上懸是7月初8出現在宜蘭
的38.8*C；昨昏在嘉義36*C，新竹36.5*C，台中37*C，攏是今年來上懸的溫度；尤其在嘉義是有史以來
8月份上懸的溫度記錄‧不過，在去阿里山的起頭，竹崎鄉畚箕湖(即馬叫做奮起湖)地區，突然間落像玻璃
珠仔大的冰角，一般叫做冰雹‧是按怎會出現”冰雹”？
冰雹是自然氣候現象的1種，在對流雲中變成出來，在天頂的水汽會綴著氣流升懸，拄到冷空氣就結成小水
滴，冷空氣的溫度降到零度以下時，小水滴就結硬變成冰角啦！在連續升懸的徙動中，會一直吸附邊仔的水
滴亦是冰角，變成愈來愈大；大到重量無法度綴著氣流復升懸時，就會落倒落來‧
如果落落來溫度卡懸的所在，水滴亦是冰角的表面會融化變成水汽，重量減輕，這時陣又拄到升懸的氣流，
又會綴著氣流復升懸，表面又結硬變成冰，親像按呢，1次又1次變來變去，到尾仔體積愈來愈大，又是大到
重量無法度綴著氣流復升懸時，就會落倒落來‧來到地面時，如果猶無融化掉，就是保持冰角的形，落來地
面就是冰雹啦！如果已經攏融掉，就是咱所講的雨水啦！