jimmycmlin的部落格

台語文~~~~~小心無蝕本~~~~~遊子
連續幾仔工的春雨落未煞，山區和平洋滿叨位攏嘛dam 漉漉；今仔日看到日頭公仔，探頭出來照大地，
予人的心情卡爽快‧
不過，提出查某囝在郵局的寄金簿翻看著，啊~~~!慘~啦！1禮物前去郵局寄金時，會記得是寄11萬箍
(110.000.00)才對，即馬一看，按怎變成11.000.00？差1個0耶！即陣目睭轉大蕊，心臟碰碰喘！看
時間已經是寄金後第9工啦！雖然，共迄工寄金時，順續換新的寄金簿，辦手的先生有淡薄仔歲數囉，
拍電腦有卡慢sor，不過，亦是愛怪家己食老番癲啦！無在現場對好‧唉！莫怪俗語講：小心無蝕本啦！
行入去郵局，抽出好碼，好佳在！今仔日下早仔猶無真濟人，雖然，心內真緊狂，嘛是愛照號碼順序仔
來；啊！總算輪到啦！向辦手的小姐說明來意‧
伊問講：幾工前？在幾號窗仔口辦的？
當然，即時陣我記得非常清楚，一五一十講予伊瞭解；
後來，伊應講：來！我先看迄工電腦的資料是毋是有更正過來！
伊看完應講：無要緊啦！迄工電腦的資料是有更正好啦！是局內的人通知你來改是毋是？抑是你家己發
現到？
我心內的大石頭先放落來才應講：無啦！因為阮查某囝在明仔載會扣著錢，拄仔先對數，才發現出差錯
啦！
寄金簿重新刷過更正過來，看到正確的數字，才真正放心，向今仔日辦手的小姐說多謝！沿路哪行哪想
，即擺的教訓，雖然是受到驚惶，不過，食老嘛﹝勿會﹞當傷大意，做任何事誌共款愛細膩，才會當做
到：小心無蝕本啦！