台語文~~~~~笑科集﹝輯﹞-2~~~~~遊子(9).阿銘：前幾工，我寫的一篇文章得到五百箍‧
阿珍：赫呢厲害！是叨一間出版公司互你的？
阿銘：是將我的作品﹝扌卜﹞無去﹝辶乞﹞間運送公司啦！
(10).阿成對伊的朋友講：
阮阿爸看到我的作文簿仔了後，甲我大﹝扌卜﹞一頓‧
伊的朋友講：是按怎會赫呢阿嚴重？
阿成講：攏怪我家己無小心，甲阮兜的祖公仔，列祖列宗寫做劣祖劣宗去啊！
(11).佇飛機頂，機長想﹝要卜﹞去便所，不過，內面已經有一位空中小姐
佇﹝辶下﹞‧機長不知就弄門：“有人佇喔？”
“是偶啦！”內面的人回應‧
機長：“是我？到底是誰啊！”
“我是素娥啦！請稍等一下仔‧”
(12).先生提考試單行入教室，歹面相搁兼歹口氣講：
“這擺的考試90分的和80分的平濟‧”
全班學生：“喔~~~!”
先生續落去講：“80分的嘛和70分的平濟‧”
學生囝仔大聲問講：“哪無及格的呢？”
“無及格的佮全班的人數平濟‧”
(13).公司新聘請一位專門顧問，不過，甲伊的名片印了有差錯，
印做“專門顧門”‧伊就﹝扌卜﹞電話去印刷廠講：
“恁甲我的名片印不對阿啦！減印一個口‧”
過了幾仔工，伊收到新印的名片，一看就喝一聲：“哇~~~!”
原來頂面印做“專門顧門口‧”
(14).一個無茨通轉去的流浪漢對一位穿甲真嫷的查某人講：
“這位夫人，請妳可憐我，我已經6工無食半項物件啊！”
“噯呀！”伊真欣羨大聲講：
“我抑是有像你赫呢阿好的控制力，就一定減肥成功啦！”
(15).阿珍每擺出國佚佗佇飯店點菜時，攏因為話語﹝勿會﹞
通，定定創不對‧所以，伊決定用寫的來注文伊所要的物件‧
伊寫：1烘麵包2烟肉3果汁4炊卵‧
過了無若久，阿啄仔服務生信心滿滿，送來伊的早起頓：
1塊烘麵包2片烟肉3杯果汁4碗炊卵‧
(16).佇股票市場，王太太對陳太太講：
“股市懸懸低低，變化無常，起落緊佮大，精神真緊張；互我
暗時定定不是睏﹝勿會﹞去就是做惡夢，有夠艱苦！”
“我是攏睏甲親像細漢嬰仔”陳太太應講
“不過，定定到半暝2~3點，就會雄狂醒起來，吼﹝勿會﹞煞‧”
全站熱搜
留言列表
