台語文咱的台灣~~~~~重陽節~~~~~遊子
咱將舊曆9月初9叫做重陽節，嘛講是9月重陽；中國慣習以”9”為陽數，所以，
在月和日攏拄好是陽數的時，就是重陽，才將這個節日叫做重陽節‧
由歷史的演變，到今猶保留的習俗有：
(1).祭拜祖先‧(2).登高‧(3).飲菊花酒賞菊花‧(4).配茱萸‧(5).放風吹‧
(6).尊敬拜訪老大人‧等等‧
其中登高、飲菊花酒、賞菊花、.配茱萸等等的習俗，相傳是由東漢時桓景和費長
房的故事來的，聽講遮的習俗有消災避厄的功效；在詩詞內，逐個卡熟的有王維
寫作的”九月九日憶山東兄弟”~~
獨在異鄉為異客，每縫佳節倍思親；
遙知兄弟登高處，遍插茱萸少一人。
另外，在台灣地區是無雨水的東北風開始的時陣，咱叫做”九降風”，是放風吹
上好的時陣，即馬，放風吹嘛已經變成真受歡迎健康休閒的活動囉！嘛有真濟俗
諺和放風吹有關係，親像：
九月九，風吹滿天(口孝)‧風吹斷落土，搶到爛糊糊‧風吹斷了線，家賄去一半
‧等等‧
因為”九”和”久”共音，在華語亦是台語攏有久長、長壽的意思，所以，內政
部在1966年公告將重陽節訂為老人節，自9月初9開始的1禮拜叫做敬老週，來感
謝老大人對咱家庭社會國家的貢獻，逐階層的老大人準做無功勞嘛有苦勞，值得
咱所有做序細的來尊敬，咱要予敬老的美德繼續傳落去‧按呢，敬老的美德是比
古早傳說的消災避厄復卡有意義啦！
在重要的民俗節日攏有特別無共的食物，9月重陽嘛是共款，就是重陽糕(竽頭糕
？)，因為”糕”和”高”共音，所以，食重陽糕和登高有相共的意思，就是步步
高升，百事俱高，祝福的意思‧
重陽節經過歷史的演變，到今已經變成1個多元化、有人情味佮有意義的節日，對
個人、家庭亦是歸個社會攏是真好的節日，會當健身休閒、敬老尊老、保存孝道
的傳統等等，咱就好好阿準備來過重陽節啦！
留言列表
