jimmycmlin的部落格

用藥保健~~~~~有機卵~~~~~遊子
報紙寫著無經過認証的”有機卵”，佇市場上滿滿是，互消費者分﹝勿會﹞清，
毋知愛按怎樣卡好，食落才有保障‧其實佇國際上，美、日、加拿大、歐盟、
澳大利亞等等先進國家的”有機卵”，真早以前就實施相關規範，建立有機卵
的檢驗認証規則，嘛已經幾仔年啦！
以美國國家有機食品生產法(Organic Food Production Act;OFPA)來講，
in對有機卵驗証的規範非常詳細‧強調家禽的飼養過程中，﹝勿會﹞當將生長
促進劑和抗生素加入去飼料內，抑是直接飼入、注射入去家禽體內，來刺激家
禽大卡緊抑是生卡濟卵‧
另外，佇家禽生產檢定方面，生產者愛保持佮維持詳細完整的記錄，包括醫療
處理執行的數量和來源，亦有所有飼料和飼料添加物的買賣和餵飼，隨時提供
互主管機關查驗‧
佇前仔講到的飼養原則下，家禽所生產的卵類食品，就叫做”有機卵”啦！會
當得到國家認証標章，生產者抑是攏有照“有機農產加工品規範”來加工製造
，就叫做”有機皮蛋”‧
”有機鹹卵”‧有機卵類上市時，包裝頂頭一定愛標示認証標章佮製造者的生
產地‧互消費者會當真清楚來辨認，違反者抑是做無老實的標示，依照違規情
節的輕重，佇美國上重會當處罰1萬美金的罰款喔！佇其他先進國家嘛攏共款
罰真重‧期待咱台灣嘛緊來立法規範，保障消費者食的安全‧