jimmycmlin的部落格

用藥保健~~~~~腦中風~~~~~遊子
咱一般講的腦充血就是醫學上的腦中風(Cerebral Apoplexy)，就是頭腦內的
血筋出現2種變化(1) 頭腦內的血筋破裂，就是腦溢血(Brain hemorrhage).
(2). 頭腦內的血筋互血塊塞著，血﹝勿會﹞通的情形(Cerebral thrombosis)‧
這2種症頭攏會造成腦筋欠血，腦組織欠需要的營養和氧氣，抑是無緊急搶救，
就進一步損害腦組織，造成全身部份的功能障礙，卡嚴重時嘛定定救﹝勿會﹞
倒轉來，造成死亡‧
引起腦中風的病症和危險的因素有：
血濁、血油傷懸，糖尿病，高血壓，血筋硬化，心臟病等等的病症‧另外，寒
熱交替的時陣，寒流到的時陣，愛lim傷過濟酒，情緒上激烈的改變等等，攏算
危險的因素‧
發生腦中風時的症頭有：
(1).突然間頭疼、會吐、意識無清、嚴重的會昏迷﹝勿會﹞醒‧(2). 突然間發
生肢體麻痺、無力、喙歪、逐項感覺攏無正常‧(3).語言障礙、口齒無清、講
話無順序、聽無、看無、讀無、算無等等‧(4).平衡的障礙，頭眩目暗，行路
跤步﹝勿會﹞穩‧(5).視力的障礙，看物件濛濛﹝勿會﹞清，嚴重就失明攏看
無喔！
拄到邊仔的人發生腦中風時的緊急處理方式：
(1).保持鎮靜，毋通驚惶‧(2)保持喘氣通順‧.(3).萬一拄到心跳停止抑是呼
吸停止，愛緊進行心肺復甦術‧(4). 會吐時的處理，先清除吐出來的物件，防
止去塞著肺管，並將頭殼扶向側面保持稍可仔歪歪‧互麻痺的hit爿向頂頭‧
(5).緊隨佮醫師連絡，抑是小心將病人送到病院治療‧
佇日常生活中愛注意的代誌：
(1).適當的工作，充分的歇睏，毋通傷過頭操勞，心情愛保持卡平靜‧
(2).適當的運動，卡激烈的就避免參加‧
(3).bhue睏前2點鐘減lim水，減少半暝起來放尿的次數，抑無愛準備1領外套
佇眠床頭，尤其佇寒天時，半暝由燒燒的棉被底起來，愛先穿好外套才去便所
，才﹝勿會﹞互血壓雄雄衝懸，引起腦中風喔！
(4).避免便秘，食卡濟有纖維的青菜，水果，日時lim卡濟滾水‧養成定時去便
所的習慣‧
(5).洗身軀時，水毋通傷燒，攝氏36-40度上拄好洗‧上好用沖洗的淋浴，比
浸泡浴卡好‧泡溫泉時，愛有人同齊去，卡保平安喔！
(6).定期接受健康檢查‧