jimmycmlin的部落格

用藥保健~~~~~嬰兒猝死症(SIDS)~~~~~遊子
報紙寫著：因為是嬰兒猝死的原因，佇二審時，幫忙顧嬰仔的奶母兩翁仔某，
由有罪變成無罪，原本一審的判決認定是：無注意到嬰仔溢奶，造成肺管塞著
，腦部欠缺氧氣，上尾引起昏迷死亡‧
什麼是嬰兒猝死症(Sudden Infant Death Syndrome；SIDS)？
是指1歲以下的嬰仔，佇無任何症頭的情形下，突然死亡；而且，經過法醫解
剖確認嬰仔無生理缺陷抑是其他已經確定的病因‧照統計資料看，每1000個
活產的嬰仔，差不多出現1個即種原因不明的病症‧
嬰兒猝死症會當講是嬰仔度晬進前造成死亡上大的原因，尤其佇2個月大到4
個月大的嬰仔，上接發生拄到，佇每年11月到隔年的2月，又是嬰兒猝死症出
現的高峰期喔！
按怎樣會當預防抑是減少嬰兒猝死的機率？有下仔幾種方法：
(1).毋通予嬰仔趴著睏‧
(2).顧嬰仔的時陣，愛注意伊喘氣的通順，萬一有塞鼻的情形愛緊排除‧
(3).嬰仔的房間，空氣愛流通‧
(4).卡會吐奶抑是溢奶的嬰仔，予伊食卡少、食卡濟擺；食完奶愛拍拍排氣‧
(5).嬰仔的衫毋通穿傷an、傷濟、傷燒‧
(6).嬰仔的眠床毋通傷軟‧
(7).未度晬的嬰仔，睏的時毋通貼枕頭‧
頂仔7項注意的事誌，逐家抑是加注意淡薄仔，就會當避免不幸的意外發生‧