台語文用藥保健~~~~~認識愛滋病(AIDS)~~~~~遊子
聽到愛滋病逐家攏真驚惶，知影伊是20世紀出現的烏死病，感染到的患者由非洲
開始到全世界，年年人數增加，年年地區擴大，咱台灣嘛無通放外外，雖然，逐
家心內攏真驚惶，不過，對愛滋病嘛有真濟誤解，在日常生活中造成無必要的煩
惱佮驚惶‧
愛滋病 (AIDS)在醫學上是1種後天免疫不全症候群(Acquired Immune
Difference Syndromes)；是由輸血時接受到感染的血源、無清氣的性交行為
、有用共支針筒注射等等，有血亦是體液直接交流時，才會受到愛滋病毒感染‧
其他是無要緊啦！
咱來看下面10條在日常生活中的問題，是毋是會受到感染？你會曉講對幾條？
(1).互相手握手、手牽手‧
(2).互相攬做伙‧
(3).同齊做伙讀冊亦是工作‧
(4).同齊做伙泡溫泉亦是泅水、洗身軀‧
(5).同齊做伙唱歌、跳舞‧
(6).無注意去予蚊子叮到‧
(7).同齊做伙共桌食飯‧
(8).用共1個便所亦是馬桶‧
(9).同齊做伙開講、講笑科‧
(10).用共1支手機、茨內的電話、電器用品等等‧
以上的行為攏袂去受到感染啦！抑是臆毋對，自然會增加無必要的煩惱佮驚惶‧
以上問題資料是來自台灣紅絲帶基金會‧
不過，前仔講的電器用品無包括個人用的電動(區刂)喙鬚刀，一般刀片的(區刂)
喙鬚刀、洗喙的齒(扌民)仔等等‧泡溫泉亦是泅水、洗身軀時，要注意本身無破
皮時，才是安全的‧
雖然，目前有研究出混合藥物治療法(Cocktail Therapy；華語叫做雞尾酒療法)
，提高治療率，不過，只是控制病情袂惡化赫緊爾爾，猶原無法度完全治療好；
所以，毋管查埔查某，上好是有固定的性伴，抑無就一定要用保險套，做好家自的
保護動作，亦有，是避免無清氣的性交行為，才有法度避免受到愛滋病毒感染‧
全站熱搜
留言列表
