用藥保健~~~~~注意親等防止亂倫~~~~~遊子
雖然，俗語講：有囝有囝命，無囝天註定‧古早生無就是生無，尤其攏怪牽手袂生，
才有藉口去外頭生；其實抑是查埔有問題，去外頭猶原生無啦！現代醫學科技發達，
生無的翁某先同齊去病院做頂真檢查，看到底是翁這爿？亦是某這爿？有問題，才來
進行後一步的步數‧這就是人工生殖法啦！
為著未來因為濟人採用人工生殖法來傳後世，有可能造成亂倫的情況出現，所以，咱
政府才在今年3月公告實施人工生殖法的法律規定，預防可能衍生的受贈精卵近親結
合、採用人工生殖的子女大漢了後，亂倫結婚的爭議‧所以，草擬 ”人工生殖的子
女親屬關係查詢辦法”等4項相關配套子法；未來接受手術的翁某會使先查詢捐贈的
精卵是毋是在4等親內，採用人工生殖的子女大漢了後，在結婚前嘛會使先查詢欲結
婚的對象，是毋是在6等親內；正式法律預定在今年6月底通過才公告實施‧
其實咱一般人嘛攏知影近親結果對後代的遺傳基因無好，趙按尼講，幾等親是欲按怎
算？才會使事前瞭解來預防？咱就來看6等親內的親等關係(以咱家自翁某為主)：
(1)‧1等親：直系血親，包括：親生的父母和子女等等‧
(2)‧2等親：旁系血親，包括：兄弟姊妹；內公、內媽、外公、外媽、內孫、內查某
孫、外孫、外查某孫等等‧
(3)‧3等親：侄子、侄女、外甥、外甥女、阿伯、阿叔、阿姑、阿舅、阿姨、內查埔
祖、查某祖、外查埔祖、查某祖等等‧
(4)‧4等親：叔伯兄弟姊妹、姑表兄弟姊妹、姨表兄弟姊妹、舅表兄弟姊妹等等‧
(5)‧5等親：叔伯兄弟姊妹、姑表兄弟姊妹、姨表兄弟姊妹、舅表兄弟姊妹等4等親
所生的子女‧
(6)‧6等親：咱家自親生的子女和5等親的人算是6等親‧
為著咱後代的健康，亦是欲省稅金，對6等親內的親等關係有需要好好瞭解喔！
全站熱搜
留言列表
