close
用藥保健~~~~~點痣改運~~~~~遊子 2008.08.02.
俗語講：散食人愛燒香，歹命人愛算命，歹運的求改運，讀冊拜文昌君‧所以，嘛有人
是點痣來改運‧痣到底是什麼？按怎算是好痣？按怎算是歹痣？
咱mai3謎信，咱就由科學的醫學觀點來瞭解痣到底是什麼？
一般所講的”痣”佇醫學上的名詞叫做”烏色素細胞母斑”，一般是烏色、咖啡色，大
部份是圓形、扁圓形，有時會綴身體的成長來稍可仔變大，毋過，速度寬寬仔真正慢，
有的表面平平，有的表面會凸出，凸出的情形有大有細‧有先天出世就有，有的是後來
才出現‧大部份攏是良性的較濟‧
毋過，拄到突然間出現的痣，抑是原本的痣發生變化，大真緊、雄雄凸出來、色彩發生
變化、破皮、出血等等，有可能是一種病變，一定愛隨去予皮膚科醫生檢察診斷，做皮
膚切片進行病理化驗，才是正確的處理方式，毋通秤採去予人點掉准拄好，he是會誤到
健康錯誤的處理方式‧
佇醫學上的分類有：
(1).表皮痣：是生佇皮膚表皮層，上淺的所在，一般是較細粒，色彩較深，用雷射就會
使簡單來除掉‧
(2).結合痣(凸出痣)：是生佇真皮層佮表皮層中間，會稍可仔凸起來，會使用雷射合併
電燒技術來除掉效果較好‧
(3).真皮痣(凸出痣)：是生佇真皮層內底，上深的所在，毋哪會凸起來，有時亦會生毛
，嘛是用雷射合併電燒技術來除掉效果較好‧
‘痣”我檢查：
a.對稱性(Asymmetry)，一般好痣是對稱的，歹痣較無對稱性‧
b.外緣(Border)，一般好痣的外緣較圓，歹痣較無規則‧
c.色彩(Color)，一般好痣是烏色較濟，歹痣深淺無一定‧
d.大小(Diameter)，抑是直徑超過0.6公分愛愈早看皮膚科醫生愈好‧
e.凸起(Elevation)，突然間出現的痣，抑是原本的痣發生變化，一定愛隨去予皮膚科
醫生檢察診斷較安心‧
目前醫學上除痣的方式：
(1).雷射：利用二氧化碳雷射、鉺雅鉻雷射，將電能變為光能來除去色素‧適合較淺、
較扁的表皮痣‧時間差不多5分鐘‧
(2).電燒：利用高頻電燒來燒，手術過程有臭火焦的味‧適合較凸的結合痣佮真皮痣‧
時間差不多10分鐘‧
(3).割除手術：先局部麻醉後，用手術刀割除才閣紩起來，1禮拜後thau2線‧適合面
積大直徑超過0.5公分的痣‧時間差不多20分鐘‧
以上3種手術方式看痣的種類來選擇，手術後攏毋通bak到水，才袂引起感染發炎，續
落嘛愛注意日頭毋通曝傷久‧
全站熱搜
留言列表
