jimmycmlin的部落格

用藥保健~~~~~家己踮茨內檢測三聚氰胺的方法：
中國廠商放毒，台灣政府放外外，受害台灣人愈來愈濟，毋哪台灣，全世界攏真驚惶‧
因為中國毒物污染的奶粉，影響到細漢囡仔的生長佮其他人的健康，這對逐家攏是非常
嚴重的代誌‧踮遮提出1個簡單檢測的方法予逐家來參考‧予逐家踮茨內就會使檢測牛
奶粉是毋是有三聚氰胺：
(1).依照平常常時泡的量用燒滾水沖泡，用物件la7予散，無出現規角的奶粉，續落囥
入冰箱，等到泡好的牛奶轉涼為止‧
(2).準備1塊烏布佮1個清氣的空杯子，甲烏布蓋佇空杯子口，準備欲來過濾用‧
(3).將轉涼的牛奶，寬寬仔倒佇杯子口的烏布頂面‧
(4).抑是，有白色硬的物件留佇烏布頂面，續落用冷的清水輕輕仔沖洗，將會溶入水的
其他成份先排除掉‧
(5).抑準，沖洗後猶原有白色的結晶物件賰佇烏布頂，就將伊囥入去杯子內的清水中，
抑是看到白色的結晶物沉入去杯子底，就真可能是三聚氰胺啦！即種牛奶粉亦是毋通食
較安全。