用藥保健~~~~~乾眼症~~~~~遊子 2008.12.22.
有人定定感覺目睭乾澀真gau5流目油，這就是醫學上所講的乾眼症啦！
咱來看到底什麼是乾眼症？
一般正常的目睭需要目油來滋潤，予目睭仁轉動較滑溜自在，咱嘛感覺
較爽快；因為佇目睭仁的表面，隨時蓋著一層目油膜仔，抑是，目睭製
造的目油無夠，予目睭仁的表面變成較乾燥，輕的時干哪感覺乾乾澀澀
，有時稍寡仔癢癢，嚴重時感覺刺疼、燒熱，出現這種症頭時就叫做乾
眼症啦！
什麼原因較會造成乾眼症？
其實有真濟原因攏會造成乾眼症，親像：
(1).年歲的增加‧
(2).室內冷氣燒氣溫度的變化(親像：冷氣房燒氣房攏較乾燥)‧
(3).室外四季氣候的變化(親像：秋天較乾燥)‧
(4).各人體質過敏因素(對煙霧、土粉仔、花粉仔、芳水、精油等等) ‧
(5).某一寡仔種類的藥物所影響引起‧
(6).目睭本身、目睭皮受傷亦是類風濕性關節炎類的病症等等所影響引
起‧
乾眼症的診斷：
咱的目睭感覺乾澀無爽快時，愛先去予醫生看，醫生會做診斷檢查，看你
的目油膜仔是毋是正常？而且會量看你的目油分泌量是毋是正常？是毋是
有戴隱形目鏡？是毋是有食其他的藥仔？來揣出正確的原因才來開藥方治
療‧
乾眼症的治療方法：
(1).人工目油‧這是較輕的症頭，確定了後，平常時會使去恁兜附近的藥
局，由藥師紹介予你適合你用的人工目油亦是保養的目藥水‧
(2).目油排出管的栓瑟‧予目睭內的目油較袂流失‧
(3).外科手術‧前仔2種無法度改善抑是因為其他目睭本身、目睭皮受傷
所引起的病變，才會採取的方法‧
平常時的自我照顧：
(1).佇有空調的室內需要增加室內空氣的濕度‧
(2).出外時需要戴目鏡‧
(3).有乾眼症頭時應該避免戴隱形目鏡亦是使用眼部化妝品‧
(4).避免直接對目睭用吹風機、冷氣機、噴霧劑等等‧
全站熱搜
留言列表
