jimmycmlin的部落格

咱的台灣~~~~~起家~~~~~遊子 2008.12.25
媒體報導：起家靈雞 顧店展特技---‧到底起家佮靈雞有什麼關係？
佇咱台灣的民俗，一般人佇結婚、入茨等喜事請人客時，菜路一定有
一路雞的料理，不管是白斬雞、蔘仔雞湯、香菇雞湯等等，代表當事
者起家啦！因為佇台語家佮雞是完全共音閣合意思‧
其他佮雞有關係的民俗亦有：
佇查某囝欲嫁時，外家茨這爿愛準備一對公母對的雞仔囝做”帶路雞”
，同齊過去囝婿兜飼，ng3望in7”年頭飼雞栽，年尾做月內”‧表示
早生貴子啦！
另外，佇尾牙食販時，頭家想欲開除某一個下跤手人，歹勢講出喙，
得甲雞頭對著彼個人，逐家就知影意思啦！因為佇台語加佮雞嘛是完
全共音，閣合意思表示加出來‧比起現此時時行的”無薪休假”、
”留職停薪”佮”裁員滾滾”(原本應該是財源滾滾)，感覺較有人情
味‧
亦有對事誌兩爿講未清，双方去廟裡亦是對天斬雞頭咒誓，表示無照
所講的話去做，抑是，相爭不對的彼爿，落尾的結果會親像彼隻雞共
款‧當然，以現此時逐家惜物的觀念，彼隻雞實在是無辜的啦！所以
，嘛真罕哩閣看到有人斬雞頭咒誓啦！