jimmycmlin的部落格

咱的台灣~~~桃園縣正中心點佇龍潭三林村~~~遊子整理 2009.03.06.
桃園縣位佇咱台灣的北部區域，人口數將近200萬人，是排佇頭仔前3名‧毋過，連真濟在地人嘛毋知地理上的東西南北佮正中心點佇叨位？有人攏認為是中壢市，這絕對是毋對啦！
到底桃園縣地理上的上東、上西、上南、上北佮正中心點佇叨位？
依據縣政府民政局的資料是：
上東點位佇復興鄉蒙蒙山，經緯度是東經121度28分34秒，北緯24度41分10秒的所在‧
上西點位佇新屋鄉殼港村，經緯度是東經120度58分0秒，北緯24度56分36秒的所在‧
上南點亦事位佇復興鄉雪臼山，經緯度是東經121度22分48秒，北緯24度35分22秒的所在‧
上北點位佇蘆竹鄉坑子口，經緯度是東經121158分20秒，北緯25度7分9秒的所在‧
講到桃園縣地理上的正中心點是位佇龍潭鄉得三林村，經緯度是東經121度13分147秒，北緯24度51分46秒的所在‧