jimmycmlin的部落格

新聞辭典~~~~~紐約郵報2008年度10大奇人~~~~~遊子 2008.12.28.
美國紐約郵報每年冬尾，攏會選出一寡仔發生佇全世界奇奇怪怪、較特別的事誌，整理出彼年度之最的排行榜‧
2008年度10大奇人的排行榜如下：
(1).全球上[身長]的人.
佇中國57歲的查埔人包喜順，依照金氏世界記錄新的測量標準來量，懸236公分，是全世界上[身長]的人‧
(2).腳腿上長的姑娘佮上矮的查埔人.
俄羅斯的查某囡仔潘克拉托娃的腳腿有132公分，是全世界.腳腿上長的姑娘；另外佇中國內蒙古的查埔人何平平，懸只有7.2公分，是全世界上矮的查埔人‧
(3).體重上重的新郎.
43歲的墨西哥人烏利貝體重達到560公斤，10月份為著娶某才減輕到310公斤，後來又續落減輕到現此時的250公斤‧
(4).年歲上懸生頭胎的阿母.
70歲的印度查某人黛薇，佇今年11月底生1個查某嬰仔，是自1954年結婚後的頭胎，才升格做老爸老母；雖然講有囝有囝命，無囝天註定‧不過，現代生殖醫學發達，以人工生殖方法，佇70歲猶原會使生出試管嬰仔‧
(5).袋鼠的查埔人.
今年6月，34歲的美國人畢提生1個查某嬰仔，予全世界的人著驚，因為伊原本是查某身，佇1988年做變性手術時，保留體內查某人的生殖家私，外表看起來是查埔人，不過，結婚後猶原會使代替[人因]某來生嬰仔‧
(6).樹仔人.
蹛佇印尼的查埔人迪迪，双腳双手攏生真濟肉瘤，予人看到親像樹仔[木亞]，予人真驚惶；今年4月雖然用外科手術割除百分95，不過，手術後又閣生出新的肉瘤，醫生揣無病源，伊嘛感覺真無奈‧
(7).狼的囝.
11歲的印度查埔囡仔帕提爾，因為先天性多毛症，規身軀的毛髮攏發真緊真密，予人看到毛tshang3-tshang3，親像野狼共款，伊家己看到紐約郵報頭版的相片，心內嘛真艱苦感傷佮真無奈‧
(8).双腳的腳盤顛倒反的查某囡仔.
15歲的菲律賓查某囡仔露意絲，自出世開始就是双腳的腳盤顛倒反，一直到今年4月，才來到美國紐約接受腳盤tshiau5予正的手術，佇今年7月，才有法度踏出伊人生正確向前的第一步‧
(9).双個面的嬰兒.
今年3月，拉莉佇印度北部的莊裡出世，雖然，健康真正常，不過，一出世就有2個面，莊裡的人認為伊是神明來轉世，對伊非常真心誠意來拜‧
(10).夯重健美上粒子的巨人.
印度19歲的查埔人羅蜜歐深懸只有83公分，體重只有9公斤，不過，伊是金氏世界記錄全世界上細粒子的夯重健美先生‧