用藥保健~~~~性功能障礙~~~~遊子 性功能障礙簡單講就是無夠力啦！佇查埔、查某攏會拄到的問題‧即馬，咱先來討論查埔
方面的問題，另工才搁來討論查某方面的問題‧自早以來，毋管景氣安怎bhai，有2項用品
一直無受影響，就是愛強佮勇和愛媠方面的用品，卡貴嘛甘出手，只要是有效‧俗語講：
查埔人上siap(40歲)就﹝勿會﹞揑囉！不過，對查埔朋友來講，抑是無法度展勇，互伊搭
心的人滿意，家己心內一定真正鬱積，大細粒頭攏gia﹝勿會﹞起來，真怨歎啊！尤其，現
代平均歲數達到查某78歲，查埔73歲，中年以後的人生猶有1半長耶！所以，中年以後的
查埔、查某，共款愛想辦法顧好身體健康，永保“性福“喔！
有下仔幾種情形，佇臨床上是判定為性功能有障礙：
(1).lan-ziau 無法度翹起來‧因為翹起來是查埔生理上的1種反射作用，嘛是查埔佮查某2
人會當做伙性交的基本條件‧有人是因為身體條件抑是心理因素的交互作用，引起佇性生
活的過程中，無法度順序翹起來，就算是性功能障礙之1啦！
(2). 翹起來無完全，硬度無夠‧一般佇翹起來以後，分做2階段來消退；第1階段翹起來時
，愛有夠硬才有法度進行性交，一直維持50%的時間到高潮時陣，了後就進入第2階段的消
退期‧抑是硬度無夠，就無法度順序做進入佮抽出的動作，嘛是性功能障礙之1喔！
(3). 無法度繼續維持進行中的動作‧拄起頭有法度翹起來，硬度嘛有夠，但是，換這姿勢
抑是動作時，真緊就消退去，無法度繼續順序完成續落的性活動‧嘛是性功能障礙之1‧
(4).射精傷過早‧就是一般講的早洩，互人叫做快槍俠‧正常平均的時間是入去以後，有
維持2~6分鐘的動作時間，抑是佇1分鐘以內，甚至佇30秒鐘以內就射精，就判斷是早洩
啦！因為射精了就會消退，性活動就綴著結束，性生活的品質無好、無滿意‧嘛是性功能
障礙‧
(5).延遲射精抑是無法度射精‧比起早洩，有人想講安呢甘毋是真讚？舞歸晡無法度射出
，到尾嘛是悿，像佇做憨工哩！這是無正常喔！嘛算性功能障礙‧
(6).逆行性射精‧正常的是向外頭射出去，有人是顛倒向後爿射入膀胱內，抑是攏一直即
的款，永遠“做人“﹝勿會﹞成功‧嘛算性功能障礙‧
男性朋友的性功能障礙問題，上好是預防勝過治療，想bhue有正常美滿的性生活，毋通做
了傷超過，嘛毋通節慾毋敢做，攏是無正確的行為；飲食營養愛平均，養成定時運動的好
習慣，時時保持好心情，工課壓力愛會曉調節，毋通受到傷大的壓力，菸上好毋通吸，酒
上好減lim，翁某感情隨時保持親密的關係，就是上好的藥方啦！
嚴重的性功能障礙，無法度用藥仔治療時，就會當用外科手術做人工假的‧踮這咱來說明
現主時，全世界合法佮上搶市的3項治療性功能障礙的藥品，無共的特點佇叨位？
(1).威爾剛(Viagra100mg).是全世界第1的開發出的治療性功能障礙的新藥，一般的藥量
照每人的症頭由25-100mg，需要30-60分鐘前食藥仔，藥效繼續維持6點鐘左右，副作
用方面，有人感覺會頭痛、塞鼻、面燒烘佮紅、漏屎、胃疼等，少數人目睭看物件稍可仔
矇矇‧副作用攏是一過性，就是停藥後，副作用就退無去‧
(2).犀力士(cialis20mg). 藥量由10-20mg，愛30分鐘前食藥仔，藥效繼續維持到36點
鐘！是目前藥效上久長的，副作用和威爾剛差不多，市場反應有卡輕淡薄仔，嘛是一過性
的‧
(3).樂威壯(Levitra20mg). 藥量由10-20mg，愛15-20分鐘前食藥仔，算上緊發揮作用
，藥效維持到6點鐘，副作用和威爾剛共款‧
這3項藥仔攏是選擇性PDE-5酵素抑制劑，所以，用藥禁忌嘛相共：有重度肝功能不全的患
者、低血壓的患者(比90/50mmhg卡低的)、高血壓的患者(比170/100mmhg卡懸的)，抑
是最近有得過中風、心肌梗塞的患者，﹝勿會﹞當和硝酸鹽類的藥仔同齊食喔！
男性朋友的性功能和歲數、雄性激素佮雌性激素的濃度比率、體力、精神狀況等等，有真
密切的關係，除了自然老化以外，外傷意外、慢性病長期食藥仔的人、心理上會緊張，逐
項代誌攏感覺壓力大、婚姻無和諧等等，攏是影響性功能的因素，所以，生理佮心理是一
半一半的重要喔！
全站熱搜
留言列表
