jimmycmlin的部落格

用藥保健~~~~~10項檢測來評估咱的健康~~~~~遊子
日常生活中無病疼，並毋是一定就是真正健康喔！真正的健康是不管時佇生理上
、心理上攏全面協調甲真好‧世界衛生組織(WHO)有提出10項檢測，互35歲以
上的壯年人，無分查埔、查某，對家己的健康情況做評估‧
(1).精神體力攏保持真好，會當處理每工繁重的工課﹝勿會﹞感覺悿‧
(2).處事樂觀，態度積極認真，做代誌有責任，對任何事攏拍拼無蹺ki‧
(3).做代誌會用腦筋，生活習慣、起居作息攏正常，該做就做，該歇就歇‧
(4) 腦筋巧，應變能力強，會當適應環境的逐種變化‧
(5).對普通感冒抑是傳染病，攏﹝勿會﹞去得到‧
(6).體重保持拄拄仔好，身體逐部位平均發育，坐姿、企姿攏真正確‧
(7).目色真好，目睭真少出毛病‧
(8).喙齒整潔，無蛀齒，牙槽岸的色緻保持粉紅仔色，真健康，無發炎齒疼‧
(9).頭鬃烏閃閃，無頭波，無禿頭落頭毛，頭殼皮﹝勿會﹞癢‧
(10).筋肉真飽實，﹝勿會﹞鬆垮垮，真有力，皮膚嘛真好，無生癩gor粒仔‧
家己檢查了後，抑是有5項以上無合格，就表示你的健康出紅燈囉！咱愛定期檢
測，注意家己身體的變化，來維護咱家己的健康‧