台語文演講稿~~~~~做天亦袂中眾人意~~~~~遊子
.各位評審先生佮在在場的朋友，逐家平安！逐個好！我是第X號，今仔日我欲講的題目是
：做天亦袂中眾人意，做天亦袂中眾人意！
俗語講：怨無，無怨少‧佇咱生活中的為人處事，抑準會當做到公平是上好的啦！孔子公
嘛有講：無驚少，干哪驚無平均‧就是講上驚無公平的事誌出現‧(勿愛)講咱人無法度做
到真正公平，其實做天亦袂中眾人意啊！
古早有1個阿婆仔，生有2個查某囝，原本阿婆仔拄到人攏喙笑目笑，講到歡喜的事誌，就
笑甲1個喙仔裂腮腮：毋過，自伊的查某囝大漢做人以後，1個是佇賣雨傘，1個是佇曝麵
線，就毋捌看過阿婆仔閣笑過，茨邊隔壁的親戚朋友攏感覺真奇怪，是按怎予阿婆仔每工
就是頭憂面結無笑面哩？
有1工，阿婆仔的知己擋袂(止周)，就開喙大聲問講：唉~呀！自恁2個查某囝嫁人了後，
就毋捌看過你笑過，親像變做另外1個人去啦！甘講恁2個查某囝的婚姻無幸福？阿婆仔的
目睭對伊的知己睨1下仔應講：唉啊！攏嘛是煩惱he2個查某囝的的事誌！伊的知己續喙問
講：到底什事誌？你嘛講清楚‧阿婆仔閣應講：每工起床看到出大日頭，就想到害啦！阮
大查某囝的雨傘無生理啦！日子欲按怎過？抑是每工起床看到烏陰亦是落雨，就想到害啦
！阮細漢查某囝的麵線無法度曝乾，日子欲按怎過？有時煩惱大查某囝，有時煩惱細漢查
某囝，你講我按怎笑會出來？
“唉~呀！原來為按呢喔！”伊的知己聽完大聲笑，接落去講：稍可大事誌啦！我甲你講
：後擺你換1個仔角度來想，以後每工起床看到出大日頭，就要想講：哇！讚喔！今仔日
出大日頭，阮細漢查某囝的麵線會使曝甲嫷嫷嫷，生理一定好啦！抑是每工起床看到烏陰
亦是落雨，就要想講：哇！今仔日即落天，阮大查某囝的雨傘一定真搶市啦！抑準按呢想
，(人因)的日子一定真好過，你嘛自然心涼脾肚開，保證你閣倒返去原本喙笑目笑的你啦
！
阿婆仔頂真聽煞，感覺真正有道理，就微微仔笑聲笑講：啊~~！我知影啦！每項事件攏有
真濟無共的角度，處理任何事誌時，咱人一定要有正面的思考，才是正確對筒啦！抑無，
正經是做天亦袂中眾人意啊！
留言列表
