jimmycmlin的部落格

新聞辭典~~~~~後壁門程式~~~~~遊子
佇網路發達的時代，安全維護是真要緊的代誌，有時陣定定會看到，連各國的政府
機關的網站，嘛會互“駭客”走入去提資料，in大部份是利用“後壁門程式”
(Backdoor)侵入‧什麼是“後壁門程式”？
“後壁門程式”是指徙避過電腦安全的防火牆等安全措施，進入去別人電腦系統的
一種程式，後壁門程式佇電腦使用者毋知的情形下，佇網路下載別位的程式抑是佇
瀏覽網站時，去互駭客偷偷仔侵入‧嘛有可能是系統開發者，為著日後維護的方便
，tiau工佇系統中留下一個後壁門‧
抑準，電腦系統去互人植入後壁門程式，入侵者就會當由真遠迄爿，真簡單就進入
互人植入後壁門程式的任何電腦，提到使用迄台電腦資料的權限，親像使用家己的
電腦共款；這可能就會影響到包括提到互人植入者的個人資料、移徙、刪除、複製
檔案等等‧
因為後壁門程式無像其他的病毒(Virus)會發病，破壞電腦，所以，嘛卡﹝勿會﹞互
人發現，不過，所有的資料早就互人copy去啦！bhue減少互人植入後壁門程式的
機會，就是每一個使用者，愛盡量減少下載抑是安裝不明來源的檔案，一定愛定期
利用防駭軟體來掃描家己的電腦系統，才有法度確保電腦資料﹝勿會﹞外洩去‧佇
公務電腦，一定愛嚴格禁止任何人去收發電子郵件(e-mail)‧互公務電腦保持獨立的
運作系統，﹝勿會﹞用哩和外頭連結，才會當維護公務電腦的安全‧