close
用藥保健~~~~~白內障~~~~~遊子 2010.07.21.
有人看物件時感覺愈來愈矇霧、未清楚，佇等公車時，看未清是幾號車，等公車過站無停才欲夯手，已經未赴啦！生活上真正無利便，去予眼科醫生檢查，醫生講：你有白內障啦！
什麼是白內障？
簡單講白內障就是咱目睭仁的玻璃珠子[華語叫做水晶體]變濁去，咱正常目睭仁的玻璃珠子是清光透明的，外頭的光線會當透過玻璃珠子進入眼內，如果玻璃珠子漸漸變濁，進入眼內的光線較少，咱看物件的眼力就弱，看物件愈來愈矇霧、未清楚；有時是單爿發生，亦有可能双眼同齊出現無正常；玻璃珠子變濁大部份是經過日久月長來變化做成的，毋過，亦有可能是身體其他病症所引起來的，會突然間來發生‧
是什麼原因會來做成白內障？
其實會來做成白內障的原因真濟，親像講有：
[1].老化.
[2].糖尿病的併發症.
[3].目睭受過感染、受傷、動過手術等等.
[4].藥物引起的.親像使用類固醇[一般講美國仙丹].
[5].紫外線照射過量，包括日頭曝傷過頭.
[6].家族遺傳因素.
咱按怎樣知影可能得到白內障？
[1].看物件時感覺愈來愈矇霧、未清楚.
[2].看無細字幼物.
[3].開車亦是看冊時感覺有炫光.
[4].讀冊看冊時需要較強的光線.
[5].有寡仔色緻感覺變較暗.
[6].眼力有時好有時[禾黑].
[7].用單蕊目睭看物件時出現双重影像[華語叫做複視].
什麼時陣需要去看眼科醫生？
一般是做定期檢查，3個月1擺差不多，毋過，拄著突然間惡化時，需要隨去看眼科醫生，有可能需要隨做治療‧檢查後是毋是需要開刀手術，會使佮醫生好好仔討論‧
白內障的手術是唯一有效來消除白內障，恢復咱原本清清楚楚看物件的治療方法；點目藥水是減慢惡化爾爾，食藥注射是完全無效，毋通了白工；一般醫生會等白內障的程度較熟時才來動刀，將原本變濁的玻璃珠子提掉，閣裝入新的玻璃珠子，過了幾工，患者的視力寬寬仔恢復正常，未閣
全站熱搜
留言列表
