jimmycmlin的部落格

新聞辭典~~~~~消費者報導~~~~~遊子
佇咱日常生活中定定會遇會到的大小問題，不管是食衣住行育樂，抑是生老病
死的問題，以前攏只有吃虧認輸就准拄好，找無人抑是機關單位好凑跤手；所
以，財團法人中華民國消費者文教基金會佇1981.05.15.創立發行刊物“消費者
報導”，一個月出版一期，到即馬2005.07.已經發行到第291期囉！工作人員
差不多攏是志工，﹝人因﹞攏定期出現市面上的大小商店賣場，用現金去買無
共品牌的商品轉來化驗檢驗比較，再將檢驗比較的報告刊佇消費者報導內，互
全民知影和了解，物件的價數、品質好歹佇什所在無共款？為了報導的公開公
正，一開始到今攏無接受任何廠商的寄付金錢，抑是提供廣告和﹝要卜﹞檢驗
的樣品；檢驗的樣品一定由志工去市面上買的商品，阿呢才是實在的檢驗‧這
14年來，消費者報導愈來愈濟人看，內容嘛愈來愈精彩，公信力真有夠‧伊有
接受一般的個人和團體無條件的寄付，補貼原本唯一不足的收入------刊物的訂
閱費用‧﹝人因﹞嘛接受消費者的申訴，向有問題的廠商交涉，代替受害的消
費者爭取應該有的賠償‧有時甚至愛請政府相關單位來幫忙處理‧﹝人因﹞嘛
接受消費者提出要求檢驗可疑的商品，親像：中藥參有西藥抑是重金屬、烏心
食品、無安全的囝仔玩具等等‧不過，這攏需要寫委託檢驗表，連同﹝要卜﹞
檢驗的物件和檢驗費用‧親身送到抑是用郵局寄互消基會台北總會做檢驗‧總
講一句，消費者報導是一本真有意義的雜誌，對咱知識的增加，日常生活的保
障，攏嘛幫助非常大！抑準你猶毋﹝言別﹞看過，會當先去冊店抑是圖書館去
參考看，看了會甲意，逐個月訂閱來看搁卡讚‧