jimmycmlin的部落格

新聞辭典~~~~~生質能源~~~~~遊子
全球的石油愈來愈少，全球的氣候愈來愈燒，氣溫愈來愈懸，所以，全世界逐國攏佇研究
環保替代能源，
亦總叫做綠色能源；生質能源嘛算是其中的一大種類‧什麼叫做生質能源？
廣義來講：生質能源包括以大型糞圾焚化爐的燒廢棄物來發電、用埋的糞圾場收集沼氣來
發電、利用農業
廢棄甘蔗粕亦是稻草枝來發電等等攏算是啦！後來的研究以生質柴油佮生質酒精為主‧
生質柴油是用動植物的油脂，加入甲醇才經過轉化技術產生出酯類，就是叫做生質柴油‧
會使直接參入去
一般的石化柴油來，合著做柴油機器的燃料‧目前世界逐國用的材料攏無共，親像講：歐
洲國家以油菜籽
油為主、日本以廢棄食用油來回收製造、馬來西亞以棕櫚油為主、菲律賓以椰子油為主、
美國以黃豆油為
主、咱台灣是以日頭花仔油和黃豆油為主‧無共原材料做出來的生質柴油品質性能嘛有精
差喔！
佇媒體看到B1/B2/B20/B50等等的生質柴油到底代表什麼意思？B1是1%/B2是2%/B20是
20%/B50是50%的意思‧
表示生質柴油佮一般石化柴油的的混合比率‧以現有的技術來看，B5的生質柴油品質性能
和一般石化柴油就
無什麼精差喔！混合比率愈懸就差愈濟，問題嘛較濟‧
生質酒精是以蕃麥、蕃薯、甘蔗等含醣類為原料，亦是廢棄甘蔗粕、稻草枝來等的纖維為
原料，加水發酵來
製造生質酒精；生質酒精佮生質柴油上大無共的所在是：生質酒精會使直接用做汽車引擎
機器的燃料‧
目前的技術做出來的生質酒精佮生質柴油成本有較懸，所以，需要逐國政府來獎勵補貼，
才有法度鼓勵一般
民眾來使用，予投資的業者有法度繼續研究，開發出復較有效率的生質能源‧